 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Човен гайдаецца на хвалях
Пазвоньваючы іржавым ланцугом
Які яго не пускае аддацца рацэ
І плыць у незваротнасьць
Човен гэта шкарлупіна арэха
Якія растуць у краіне
Дзе ніколі ніхто ня быў
Човен гэта труна
У якой пахаваны
Самотныя і вясёлыя дні
Рыбаловаў і вандроўнікаў
І падскоквае човен на хвалях
Спрабуючы ўбачыць чалавека
Але начамі прыходзіць Харон
І перавозіць на другі бераг цені
А пад раніцу зноў прывязвае човен
У цень якога ў сьпякотны дзень
Хаваюцца русалкі
І сьпяваюць сумныя песьні
І злуецца Вадзяны
І колькі ўжо дзён зьбіраецца
Даць вольную чаўну
Але ўсё ніяк не наважыцца
Бо любіць слухаць звон ланцуга
Які напамінае яму звон грошай
Якія калісьці ён меў
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
